Cynhaliodd Clymblaid Mentrau Cymdeithasol Cymru ei derbyniad cyntaf yng Nghynulliad Cenedlaethol Cymru ddydd Mawrth 24ain Ebrill. Daeth dros 90 o bobl yno gan gynnwys Gweinidogion y Cabinet a Gweinidogion Cabinet yr Wrthblaid, ac yr oedd yn llwyddiant mawr. 
Mae un o aelodau newydd WSEC yn helpu i adfywio’r Rhyl a darparu hyfforddiant a gobaith hanfodol i bobl leol.
Annog mentrau cymdeithasol i wneud cais i’r Gronfa newydd i Gymunedau Arfordirol
Dyddiad: 16.02.2012
Cyhoeddwyd manylion am lansio rhaglen gwerth £23.7 miliwn i gefnogi llewyrch ac adfywiad trefi arfordirol y DU gan Lywodraeth San Steffan.
(Gallai tref lan môr y Rhyl yng ngolgedd Cymru, a welir yn y llun uchod, elwa ar y rhaglen newydd)
Bydd y Gronfa Cymunedau Arfordirol (CCF) yn helpu cymunedau arfordirol i ddatblygu’n economaidd drwy hyrwyddo twf economaidd a swyddi cynaliadwy, fel bod pobl yn gallu ymateb yn well i’r ffordd y mae’r anghenion economaidd a’r cyfleoedd yn eu hardal yn newid.
Bydd grantiau gwerth rhwng £50,000 a £2 miliwn yn cael eu cynnig drwy’r cynllun. Gellir defnyddio’r arian i gefnogi prosiectau cyfalaf a refeniw a bydd cymunedau’n cael eu hannog i ddod o hyd i arian cyfatebol o botiau eraill o arian.
Dyma enghreifftiau o weithgareddau a allai fod yn gymwys i dderbyn arian:
- Cefnogi cynlluniau sgiliau a hyfforddiant i wella rhagolygon swyddi;
- cynnal a datblygu isadeiledd arbenigol i dwristiaid;
- rheoli ac addasu i’r perygl o lifogydd ac erydu arfordirol;
- cefnogi mentrau cymdeithasol i ddod â chyfleoedd economaidd newydd a swyddi;
- cynnig prentisiaethau i’r rhai sy’n gadael ysgol;
- creu gweithfannau newydd i gynnal a thyfu economïau lleol;
- rhoi hwb i ddulliau lleol o hyrwyddo menter ac adfywiad economaidd;
- cefnogi gwelliannau mewn trafnidiaeth gynaliadwy.
Bydd ceisiadau arloesol yn cael eu croesawu oddi wrth fusnesau, mentrau cymdeithasol, partneriaethau menter lleol, elusennau ac awdurdodau lleol sy’n cefnogi datblygiad economaidd y gymuned.
Disgwylir y bydd tua £1.15 miliwn ar gael i drefi arfordirol Cymru o dan y cynllun.
Dywedodd David Jones, Gweinidog yn Swyddfa Cymru ac AS Gorllewin Clwyd: “Rydym eisiau gweld cynifer o gymunedau arfordirol â phosibl, mawr a bach, yn cyflwyno ceisiadau safonol am gyllid a fydd yn helpu prosiectau creadigol ac arloesol sy’n hybu swyddi a thwf ac yn gam at adeiladu economïau lleol cryfach a mwy amrywiol.”
Dywedodd Chris Ruane, AS Dyffryn Clwyd y dylai cefnogi mentrau cymdeithasol fod yn ganolbwynt.Meddai wrth y Daily Post “Mae’r £1.15m ychwanegol i Gymru i’w groesawu a bydd yn gwneud cyfraniad sylweddol tuag at adfywio, yn enwedig os caiff ei dargedu at fenter a mentrau cymdeithasol.”
Gwahoddir mynegiannau o ddiddordeb o ddechrau mis Mawrth a’r dyddiad cau fydd 30 Mawrth 2012.
Am ragor o fanylion cliciwch ar www.communities.gov.uk
Enjoy this post? Share it with others.
