Cynhaliodd Clymblaid Mentrau Cymdeithasol Cymru ei derbyniad cyntaf yng Nghynulliad Cenedlaethol Cymru ddydd Mawrth 24ain Ebrill. Daeth dros 90 o bobl yno gan gynnwys Gweinidogion y Cabinet a Gweinidogion Cabinet yr Wrthblaid, ac yr oedd yn llwyddiant mawr. 
Mae’r fenter gymdeithasol o Wynedd sy’n cynnig gwasanaethau garddio, arlwyo a gwaith saer yn dweud wrthym beth sy’n gyfrifol am lwyddiant y busnes, ac am ei chynlluniau i dyfu’r fenter ymhellach.
Hanes Clymblaid Mentrau Cymdeithasol Cymr
Yn 2009, yr oedd Cynllun Gweithredu Mentrau Cymdeithasol Cymru wedi nodi’r angen am ‘lais i gynrychioli mentrau cymdeithasol yng Nghymru’ fel un o’r prif gamau gweithredu.
Yn fuan ar ôl hynny, cynhaliwyd dau sesiwn ymgynghori sylweddol - un yng Ngogledd Cymru a’r llall yn y De - yn ogystal â nifer o fforymau electronig gydag asiantaethau sy’n darparu cymorth i fusnesau, mentrau cymdeithasol ac entrepreneuriaid cymdeithasol, i drafod yr angen.
Cafwyd ymateb grymus a’r consensws arwyddocaol oedd fod rhwydweithiau gwerthfawr yn bodoli ond fod llawer o’r rheiny’n cael eu rhedeg yn wirfoddol, ac yn brin o’r adnoddau angenrheidiol i gynrychioli mentrau cymdeithasol yn effeithiol.
Croesawyd y bwriad o gael llais i gynrychioli mentrau yn y trafodaethau hyn. Yr oedd y rhai a ymatebodd yn awyddus iawn i fudiad newydd gynrychioli llais mentrau cymdeithasol ar lawr gwlad, gydag arweinyddiaeth gref prif weithredwr a bwrdd.
Daeth rhai o’r bobl a fynychodd y sesiynau ymgynghori at ei gilydd i ffurfio grwp llywio - a hwyluswyd gan Lywodraeth Cynulliad Cymru - ac fe wnaethant lunio cyfansoddiad drafft i WSEC. Yna, gyda chyllid cychwynnol gan Lywodraeth Cynulliad Cymru, sefydlwyd WSEC yn 2010, gyda swyddfeydd yng Ngogledd a De Cymru.
